ಆಲಸಿಕೆಯಲಿರುವಂಗೆ ಕ್ಲಸಲಂಬಲಿಯಿಲ್ಲ | ಕೆಲಸಕ್ಕೆ ಆಲಸದಿರುವಂಗೆ ಬೇರಿಂದ | ಹಲಸು ಕಾತಂತೆ ಸರ್ವಜ್ಞ ||

ಆವ ಕಾಲವು ವನದಿ | ಜೀವಕಾಲದ ಕಳೆದು | ಜೀವಚಯದಲ್ಲಿ ದಯವಿಲ್ಲದಿರುವವನ | ಕಾಯ್ವ ಶಿವನು ಸರ್ವಜ್ಞ ||

ಆವಾವ ಜೀವವನು | ಹೇವವಿಲ್ಲದೆ ಕೊಂದು | ಸಾವಾಗ ಶಿವನ ನೆನೆಯುವಡೆ | ಅವ ಬಂದು | ಕಾವನೇ ಹೇಳು ಸರ್ವಜ್ಞ ||

ಆಶೆಯತಿ ಕೇಡೆಂದು | ಹೇಸಿ ನಾಚುತಲಿಕ್ಕು | ಆಶೆಯನು ಬಿಡದೆ - ಅಭಿಮಾನಕ್ಕೋರಿದರೆ | ಘಾಸಿಯಾಗಿಕ್ಕು ಸರ್ವಜ್ಞ ||

ಆಶೆಯಿಲ್ಲನ ದೋಸೆ | ಮೀಸೆ ಇಲ್ಲದ ಮೋರೆ | ಬಾಸಿಂಗ ಹರಿದ ಮದುವೆಯು ಇವು ಮೂರೂ ಹೇಸಿ ಕಾಣಯ್ಯ ಸರ್ವಜ್ಞ ||

ಆಸನದ ಲುಂಬುವದು | ಸೂಸುವದು ಬಾಯಲ್ಲಿ | ಬೇಸರದ ಹೊತ್ತು ಕೊಲುವದು ಕವಿಗಳೊಳು | ಸಾಸಿಗರು ಪೇಳಿ ಸರ್ವಜ್ಞ ||

ಆಸನದಲುಂಬುವದು | ಸೂಸುವದು ಬಾಯಲ್ಲಿ | ಬೇಸರದ ಹೊತ್ತು ಕೊಲುವದು ಕವಿಗಳೊಳು | ಸಾಸಿಗರು ಪೇಳಿ ಸರ್ವಜ್ಞ ||

ಆಸನವು ದೃಢವಾಗಿ | ನಾಶಿಕಾಗ್ರದಿ ದಿಟ್ಟು | ಸೂಸವ ಮನವ ಫನದಲಿರಿಸಿದನು ಜಗ | ದೀಶ ತಾನಕ್ಕು ಸರ್ವಜ್ಞ ||

ಆಹಾರವುಳ್ಳಲ್ಲಿ ಬೇಹಾರ ಫನವಕ್ಕು | ಆಹಾರದೊಳಗ ನರಿಧಿಪ್ಪ ಸೆಟ್ಟಿಗೇ | ಬೇಹಾರದಕ್ಕು ಸರ್ವಜ್ಞ ||

ಆಳಾಗಬಲ್ಲವನು | ಆಳುವನು ಅರಸಾಗಿ | ಆಳಾಗಿ ಬಾಳಲರೆಯದವ ಕಡೆಯಲ್ಲಿ | ಹಾಳಾಗಿ ಹೋದ ಸರ್ವಜ್ಞ ||

ಆಳು ಇದ್ದರೆ ಅರಸು | ಕೂಳು ಇದ್ದರೆ ಬಿರುಸು | ಆಳುಕೂಳುಗಳು ಮೇಳವಿಲ್ಲದ ಮನೆಯ | ಬಾಳುಗೇಡೆಂದ ಸರ್ವಜ್ಞ ||

ಆಳು ಸೂಳೆಯು ನಾಯಿ | ಕೋಳಿ ಜೋಯಿಸ ವೈದ್ಯ | ಗೂಳಿಯು ತಗರು ಪ್ರತಿರೂಪ ಕಂಡಲ್ಲಿ | ಕಾಳಗವು ಎಂದ ಸರ್ವಜ್ಞ ||

ಇತ್ತುದನು ಈಯದಗೆ | ಮೃತ್ಯು ಒಲಿಯದೆ ಬಿಡಳು | ಹತ್ತಿರ್ದಲಕ್ಶ್ಮಿತೊಲಗಲ್ಕೆ ಮುಂದವನ | ತೊತ್ತಾಗೆ ಬರುವ ಸರ್ವಜ್ಞ ||

ಇತ್ತುದನು ಈಯದನ | ಮೃತ್ಯುವೊಯ್ಯುದೆ ಬಿಡದು ಹತ್ತಿರ್ದ ಲಕ್ಷ್ಮಿ ತೊಲಗಿ ಹುಟ್ಟುವನವನ | ತೊತ್ತಾಗಿ ಮುಂದೆ ಸರ್ವಜ್ಞ ||

ಇಂದುವಿನೊಳುರಿಯುಂಟೆ | ಸಿಂಧುವಿನೊಳರಬುಂಟೆ | ಸಂದವೀರನೊಳು ಭಯವುಂಟೇ ? ಭಕ್ತಂಗೆ | ಸಂದೇಹವುಂಟೆ ಸರ್ವಜ್ಞ ||