ಒಟ್ಟು 1034 ಕಡೆಗಳಲ್ಲಿ , 1 ವಚನಕಾರರು , 553 ವಚನಗಳಲ್ಲಿ ಈ ಪದವನ್ನು ಬಳಸಿರುತ್ತಾರೆ
ತುಪ್ಪವಾದಾ ಬಳಿಕ | ಹೆಪ್ಪನೆರೆದವರುಂಟೆ ನಿಃಪತಿಯಾದ ಗುರುವಿನುಪದೇಶದಿಂ ತಪ್ಪದೇ ಮುಕ್ತಿ ಸರ್ವಜ್ಞ
ತುಂಬಿದಾ ಕೆರೆ ಭಾವಿ | ತುಂಬಿದಂತಿರುವದೇ | ನಂಬಿರಲು ಬೇಡ ಲಕ್ಶ್ಮಿಯನು ಬಡತನವು | ಬೆಂಬಿಡದೆ ಬಹುದು ಸರ್ವಜ್ಞ ||
ತುಲವನೇರಲು ಗುರುವು | ನೆಲೆಯಾಗಿ ಮಳೆಯಕ್ಕು ಫಲವು ಧಾನ್ಯಗಳು ಬೆಳೆಯಕ್ಕು ಪ್ರಜೆಗಳಿಗೆ | ನಿಲಕಾಲಕ್ಕು ಸರ್ವಜ್ಞ ||
ತೆಂಕಣಕೆ ಮುಗಿಲಡರಿ | ಶಂಕರನೆ ದೆಶ ಮಿಂಚೆ | ಪಂಕಜಾರಾತ ಗುಡಿಗೆಟ್ಟ ಮಳೆಯು ತಾ | ಭೋಂಕನೇ ಬಕ್ಕು ಸರ್ವಜ್ಞ ||
ತೆಗೆದತ್ತಿಳೀಯುವದು | ಮಿಗಿಲೆತ್ತರೇರಿಹುದು | ಬಗೆಯ ರಸತುಂಬಬಹು ಸಂಚದ ತ್ರಾಸ | ನಗೆಹಲೇ ಬೇಡ ಸರ್ವಜ್ಞ ||
ತೆರೆದ ಹಸ್ತವು ಲೇಸು | ಹರಿಯ ಪೂಜ್ಯವು ಲೇಸು | ಅರ ಸೊಲಿಮೇ ಲೇಸು ಸರ್ವಕ್ಕೂ ಶಿವನಿಗೆ | ಶರಣನೇ ಲೇಸು ಸರ್ವಜ್ಞ ||
ತೊತ್ತಿನಲಿ ಗುಣವಿಲ್ಲ | ಕತ್ತೆಗಂ ಕೋಡಿಲ್ಲ ಬತ್ತಲಿದ್ದವಗೆ ಭಯವಿಲ್ಲ ಕೊಂಡೆಯರೊಳು | ತ್ತಮರೆ ಇಲ್ಲ ಸರ್ವಜ್ಞ ||
ತೋಟ ಬೆಳೆಯನ್ನು | ದಾಟಿ ನೋಡದವರಾರು | ಮೀಟು ಜವ್ವನದ ಸೊಬಗೆಯ ನೆರೆ ಕಂಡು | ದಾಟದವರಾರು ಸರ್ವಜ್ಞ ||
ತೋಡಿದ್ದ ಬಾವಿಂಗೆ | ಕೂಡಿದ್ದ ಜಲ ಸಾಕ್ಷಿ | ಮಾಡಿರ್‍ದಕೆಲ್ಲ ಮನಸಾಕ್ಷಿ ಸರ್ವಕ್ಕು | ಮೃಢನೆ ತಾ ಸಾಕ್ಷಿ ಸರ್ವಜ್ಞ ||
ದಂಡು ಇಲ್ಲದ ಅರಸು | ಕುಂಡವಿಲ್ಲದ ಹೋಮ | ಬಂಡಿಯಿಲ್ಲದನ ಬೇಸಾಯ ತಲೆಹೋದ | ಮುಡದಂತಿಕ್ಕು ಸರ್ವಜ್ಞ ||
ದರುಶನವಾರಿರಃ | ಪುರುಷರು ಮೂವರಿಂ ಪರತತ್ವದಿರವು ಬೇರೆಂದು - ತೋರಿದ ಗುರು ತಾನೆ ದೈವ ಸರ್ವಜ್ಞ
ದಾರದಿಂದಲೇ ಮುತ್ತು | ಹಾರ್‍ಅವೆಂದೆನಿಸುಹುದು | ಆರೈದು ನಡೆವ ದ್ವಿಜರುಗಳ ಸಂಸರ್ಗ | ವಾರಿಂದ ಲಧಿಕ ಸರ್ವಜ್ಞ ||
ದಿನಪತಿಗೆ ಎಣೆಯಿಲ್ಲ | ಧನಪತಿ ಸ್ಥಿರವಲ್ಲ | ಅನುಭವಿಗೆ ಬೇರೆ ಮತವಿಲ್ಲ ಅರಿದಂಗೆ | ಮುನಿವವರೆ ಇಲ್ಲ ಸರ್ವಜ್ಞ ||
ದುರ್ಗಿ(ಮಾರಿಯ ಮುಂಡಿ) | ಯಗ್ಗದ ಶಕ್ತಿಗಳು ಸದ್ಗುಣ ಸತ್ಯ ಮುಸುರಿಹರ - ಮುಟ್ಟವು ಸದ್ಗುರುವಿನಾಜ್ಞೆ ಸರ್ವಜ್ಞ
ದೇವರನು ನೆನೆವಂಗ | ಭಾವಿಪುದ ಬಂದಿಹುದು | ದೇವರನು ನೆನಯದಧಮಂಗೆ ಇಹಪರದಿ | ಆಪುದೂ ಇಲ್ಲ ಸರ್ವಜ್ಞ ||