ಕೊಟ್ಟು ಮರುಗಲು ಬೇಡ ಬಿಟ್ಟು ಹಿಡಿಯಲು ಬೇಡ | ಕೆಟ್ಟಾ ನಡೆಯುಳ ನೆರೆಬೇಡ | ಪರಸತಿಯ ಮುಟ್ಟಬೇಡೆಂದ ಸರ್ವಜ್ಞ ||

ಕೊಡಲೊಬ್ಬಳು ಸತಿಯು | ನೋಡಲೊಬ್ಬ ನೆಂಟ | ಬೇಡಿದ್ದನ್ನು ಕೊಡುವ ನೃಪತಿಯು ಭಕ್ತಿಯನು | ಮಾಡಿದರಿಗುಂಟು ಸರ್ವಜ್ಞ ||

ಕೊಂದು ತಿನ್ನುವ ಕಂದ | ಕೊಂದನೆಂದೆನಬೇಡ | ನೊಂದಂತೆ ನೋವರಿಯದಾ ನರರಂದು | ಕೊಂದಿಹುದೆ ನಿಜವು ಸರ್ವಜ್ಞ ||

ಕೊಂಬುವನು ಸಾಲವನು | ಉಂಬುವನು ಲೇಸಾಗಿ | ಬೆಂಬಲವ ಪಿಡಿದು - ಬಂದರಾದೇಗುಲದ | ಕಂಬದಂತಿಹನು ಸರ್ವಜ್ಞ ||

ಕೊಲು ಧರ್ಮಗಳ - ನೊಯ್ದು | ಒಲೆಯೊಳಗೆ ಇಕ್ಕುವಾ | ಕೊಲಲಾಗದೆಂಬ ಜೈನನಾ ಮತವೆನ್ನ | ತಲೆಯ ಮೇಲಿರಲಿ ಸರ್ವಜ್ಞ ||

ಕೊಲ್ಲದಿರ್ಪಾಧರ್ಮ | ವೆಲ್ಲರಿಗೆ ಸಮ್ಮತವು | ಅಲ್ಲದನು ಮೀರಿ ಕೊಲ್ಲುವನು ನರಕಕ್ಕೆ | ನಿಲ್ಲದಲೆ ಹೋದ ಸರ್ವಜ್ಞ ||

ಕೋಡಗನ ಒಡನಾಟ | ಕೇಡಕ್ಕು ಸಂಸಾರ | ಕಾದಾಡಿ ಕೆಂಪು ಮಾಣಿಕವ ಕಲ್ಲೆಂದು | ಈಡಾಡಿದಂತೆ ಸರ್ವಜ್ಞ ||

ಕೋಪಕ್ಕ್ ಯಮರಜಬ್ | ಪಾಪಕ್ಕ್ ಜವರಾಜ | ಕೋಪ ಪಾಪಗಳ ಆಳಿದಂಗೆ ತಾ | ಕೊಪನಾಗಿಹನು ಸರ್ವಜ್ನ್ಯ ||

ಕೋಳಿಕೂಗದಮುನ್ನ | ಏಳುವದು ನಿತ್ಯದಲಿ | ಬಾಳ ಲೋಚನನ ಭಕ್ತಿಯಿಂ ನೆನೆದರೆ | ಸರ್ವಜ್ಞ ||

ಕೋಳಿಗಳ ಹಂದಿಗಳ | ಮೇಳದಲಿ ತಾ ಸಾಕಿ | ಏಳುತಲೆ ಕರೆದು ಬಡಿತಿಂದ ಪಾಪಿಗಳ | ಬಾಳೆಲ್ಲ ನರಕ ಸರ್ವಜ್ಞ ||

ಕ್ಷೀರದಲಿ ಘ್ರತ ವಿಮಲ | ನೀರಿನೊಳು ಶಿಖಿಯಿರ್ದು ಅರಿಗೂ ತೋರದಿರದಂತೆ ಎನ್ನೊಳಗೆ | ಸೇರಿಹನು ಶಿವನು ಸರ್ವಜ್ಞ ||

ಕ್ಷೀರದೊಳು ಘೃತವಿದ್ದು | ನೀರೊಳು ಶಿಖಿಯಿದ್ದು ಆರಿಗೆಯು ತೋರಿದಿಹುದಂತೆ - ಎನ್ನೊಳಗೆ ಸಾರಿಹನು ಸಿವನು ಸರ್ವಜ್ಞ

ಖುಲ್ಲ ಮಾನವ ಬೇಡಿ | ಕಲ್ಲುತಾ ಕೊಡುವದೇ | ಸೊಲ್ಲರಿವ ಶಿವನ ಬೇಡಿದಡೆ ಬಯಸಿದುದು | ನೆಲ್ಲವನು ಕೊಡುವ ಸರ್ವಜ್ಞ ||

ಗಂಡ ತನ್ನಯದೆಂಬ | ಲಂಡೆ ತನ್ನಯದೆಂಬ ಖಂಡಪರಶುವಿನ ವರಪುತ್ರ - ನಾನು ನೆರೆ ಕಂಡುದೆನೆ ಪೇಳ್ವೆ ಸರ್ವಜ್ಞ

ಗಡಿಗೆ-ಮಡಕೆಯ ಕೊಂಡು | ಅಡುವಡಾವಿಗೆಯೊಳಗೆ ಬಿಡದೆ ಮಳೆಮೋಡ ಹಿಡಿಯಲವ - ರಿಬ್ಬರಿಗು ತಡೆ ಬಿಡಲಾಯ್ತು ಸರ್ವಜ್ಞ