ಕುಲವನ್ನು ಕೆಡಿಸುವದು | ಛಲವನ್ನು ಬಿಡಿಸುವದು | ಹೊಲೆಯನಾ ಮನೆಯ ಹೊಗಿಸುವದು ಕೂಳಿನಾ | ಬಲವ ನೋಡೆಂದ ಸರ್ವಜ್ಞ ||

ಕುಸ್ತಿಯಲಿ ಭೀಮಬಲ | ಕುಸ್ತಿಯಲಿ ಕಾಮಬಲ | ಅಸ್ತಿ ಮುರಿದಿಹುದು ಕೀಚಕನ ಪರಸತಿಯ | ಪ್ರಸ್ತವೇ ಬೇಡ ಸರ್ವಜ್ಞ ||

ಕೂಡಿ ತಪ್ಪಲು ಬೇಡ | ಓಡಿ ಸಿಕ್ಕಲು ಬೇಡ | ಆಡಿ ತಪ್ಪಿದರೆ ಇರಬೇಡ ದುರುಳರು | ಕೂಡಬೇಡೆಂದ ಸರ್ವಜ್ಞ ||

ಕೂಳಿಂದ ಕುಲ ಬೆಳೆದು | ಬಾಳಿಂದ ಬಲ ಬೆಳೆದು | ಕೂಳು - ನೀರುಗಳು ಕಳೆದರ್‍ಆ ಕುಲಗಳನ್ನು | ಕೇಳಬೇಡೆಂದ ಸರ್ವಜ್ಞ ||

ಕೂಳು ಹೋಗುವ ತನಕ | ಗೂಳಿಯಂತಿರುತಿಕ್ಕು | ಕೂಳು ಹೋಗದಾ ಮುದಿ ಬರಲು ಮನುಜನವ | ಮೂಳನಾಯಕ್ಕು ಸರ್ವಜ್ಞ ||

ಕೆಟ್ಟರ್ ದ್ವಿಜರಿಂದ | ಕೆಟ್ಟವರು ಇನ್ನಿಲ್ಲ | ಕೆಟ್ಟುವದು ಬಿಟ್ಟು ನಡೆದರೇ ಅವರಿಂದ | ನೆಟ್ಟನವರಿಲ್ಲ ಸರ್ವಜ್ಞ ||

ಕೆಟ್ಟಹಾಲಿಂದ ಹುಳಿ | ಯಿಟ್ಟಿರ್ದ ತಿಳಿಲೇಸು | ಕೆಟ್ಟ ಹಾರುವವನ ಬದುಕಿಂದ ಹೊಲೆಯನು | ನೆಟ್ಟನೇ ಲೇಸು ಸರ್ವಜ್ಞ ||

ಕೇಡನೊಬ್ಬಗೆ ಬಗೆದು | ಕೇಡು ತಪ್ಪದು ತನಗೆ | ನೋಡಿ ಕೆಂಡವನು ಹಿಡಿದೊಗೆದು ನೋವ ತಾ | ಬೇಲಿ ಬಗೆದಂತೆ ಸರ್ವಜ್ಞ ||

ಕೊಟ್ಟಣವ ಕುಟ್ಟುವದು | ಮೊಟ್ಟೆಯದು ಹೊರಿಸುವದು | ಬಿಟ್ಟ-ಕೂಲಿಗಳ ಮಾಡಿಸುವದು ಗೇಣು | ಹೊಟ್ಟೆ ಕಾಣಯ್ಯ ಸರ್ವಜ್ಞ ||

ಕೊಟ್ಟವರ ತಲೆಬೆನ್ನ | ತಟ್ಟುವರು ಹಾರುವರು | ಕೊಟ್ಟೊಡನೆ ಕುಟ್ಟಿ ಕೆಡಹುವರು ಹಾರುವರ | ಬಟ್ಟೆ ಬೇಡೆಂದ ಸರ್ವಜ್ಞ ||

ಕೊಟ್ಟಿಹರೆ ಹಾರುವರು | ಕುಟ್ಟುವರು ಅವರಂತೆ | ಬಿಟ್ಟಿರದ ನೋಡಿ ನುಡಿಸರಾ ಹಾರುವರು | ನೆಟ್ಟನೆಯವರೇ ಸರ್ವಜ್ಞ ||

ಕೊಟ್ಟು ಮರುಗಲು ಬೇಡ ಬಿಟ್ಟು ಹಿಡಿಯಲು ಬೇಡ | ಕೆಟ್ಟಾ ನಡೆಯುಳ ನೆರೆಬೇಡ | ಪರಸತಿಯ ಮುಟ್ಟಬೇಡೆಂದ ಸರ್ವಜ್ಞ ||

ಕೊಡಲೊಬ್ಬಳು ಸತಿಯು | ನೋಡಲೊಬ್ಬ ನೆಂಟ | ಬೇಡಿದ್ದನ್ನು ಕೊಡುವ ನೃಪತಿಯು ಭಕ್ತಿಯನು | ಮಾಡಿದರಿಗುಂಟು ಸರ್ವಜ್ಞ ||

ಕೊಂದು ತಿನ್ನುವ ಕಂದ | ಕೊಂದನೆಂದೆನಬೇಡ | ನೊಂದಂತೆ ನೋವರಿಯದಾ ನರರಂದು | ಕೊಂದಿಹುದೆ ನಿಜವು ಸರ್ವಜ್ಞ ||

ಕೊಂಬುವನು ಸಾಲವನು | ಉಂಬುವನು ಲೇಸಾಗಿ | ಬೆಂಬಲವ ಪಿಡಿದು - ಬಂದರಾದೇಗುಲದ | ಕಂಬದಂತಿಹನು ಸರ್ವಜ್ಞ ||